សំណួរដែលគេសួរញឹកញាប់​ លើថ្នាំគ្រាប់ដើម្បីរំលូតកូន

ទេ សូមប្រើចំនួនថ្នាំគ្រាប់ដូចគ្នា ដែលយើងណែនាំអោយអ្នកដទៃគ្រប់គ្នា។ ការសិក្សាបានបង្ហាញថា ជោគជ័យនៃការប្រើថ្នាំ មិនកាត់បន្ថយចំពោះស្ត្រីដែលមានមាឌធំ ឬមានទម្ងន់ធ្ងន់នោះទេ។ អ្នកមិនចាំបាច់លេបថ្នាំតាមកម្រិតផ្សេង ឬលេបថ្នាំបន្ថែមនោះទេ។

អ្នកមិនចាំបាច់ផ្លាស់ប្តូរកំរិតថ្នាំ ឬចំនួនថ្នាំគ្រាប់នោះទេ ប្រសិនបើអ្នករកឃើញថាអ្នកមានកូនភ្លោះក្នុងផ្ទៃ។ ការណែនាំថ្នាំគ្រាប់គឺដូចគ្នាសម្រាប់ការមានផ្ទៃពោះភ្លោះដូចទៅនឹងការមានផ្ទៃពោះតែមួយដែរ។

ទេ ការមានគភ៌នីមួយៗគឺជារឿងដោយឡែកពីគ្នា។ ប្រសិនបើអ្នកបានប្រើថ្នាំរំលូតកូនពីមុន អ្នកមិនតម្រូវអោយប្រើថ្នាំកម្រិតខ្ពស់ជាងមុនទេ ប្រសិនបើអ្នកប្រើវាម្តងទៀត សម្រាប់ការមានផ្ទៃពោះដែលអ្នកមិនចង់បាន។

ប្រសិនបើអ្នកប្រើឧបករណ៍ពន្យាកំណើតនៅក្នុងស្បូន (ឧ. កងដាក់ក្នុងស្បូនប្រភេទស្ពាន់ ឬប្រភេទអ័រម៉ូន) មានការណែនាំយ៉ាងមុតម៉ាំឱ្យយកវាចេញមុនពេលប្រើប្រាស់ថ្នាំពន្លូតកូន។

អ្នកអាចបំបៅកូនដោយទឹកដោះដូចធម្មតា នៅពេលដែលរំលូតដោយប្រើឳសថ។ ថ្នាំមីហ្វេប្រីស្តូន(Mifepristone) និង មីសូប្រូស្តូល (Misoprostol) ចូលទៅក្នុងទឹកដោះម្តាយក្នុងបរិមាណតិចតួចបំផុត ហើយបរិមាណទាំងនេះគឺតូចពេកដូច្នេះហើយមិនអាចបណ្តាលឱ្យមានផលប៉ះពាល់ ឬគ្រោះថ្នាក់ដល់ទារករបស់អ្នកទេ។ ការបំបៅកូនដោយទឹកដោះម្តាយអាចបន្តដោយគ្មានការរំខានក្នុងអំឡុងពេលពន្លូតកូនដោយថ្នាំគ្រាប់។

ប្រសិនបើអ្នកកំពុងតែមានផ្ទុកមេរោគអេដស៍ អ្នកអាចទទួលការពន្លូតកូនដោយប្រើប្រាស់ថ្នាំគ្រាប់ដូចទៅនឹងមនុស្សដទៃទៀតដែរ។ ហើយមានការណែនាំក្នុងការប្រើប្រាស់ថ្នាំប្រឆាំងមេរោគអេដស៍ (antiretroviral)ដើម្បីឱ្យសុខភាពរឹងម៉ាំ។

ប្រសិនបើអ្នកមានសភាពស្លេកស្លាំង (កម្រិតសារជាតុដែកទាបនៅក្នុងឈាម) អ្នកក៏នៅតែអាចប្រើប្រាស់ថ្នាំគ្រាប់ពន្លូតកូនបានដែរ ប៉ុន្តែដើម្បីជាការល្អ សូមអ្នកស្វែងរកអ្នកផ្តល់សេវាកម្មថែទាំសុខភាពដែលអ្នកអាចរកបាន ដើម្បីឱ្យជួយអ្នកក្នុងករណីដែលអ្នកត្រូវការ។ ប្រសិនបើអ្នកមានសភាពស្លេកស្លាំងធ្ងន់ធ្ងរ ដើម្បីជាការល្អ សូមអ្នកធ្វើការពិគ្រោះយោបល់ជាមួយនឹងគ្រូពេទ្យជាមុនសិន មុនពេលអ្នកប្រើប្រាស់ថ្នាំគ្រាប់នោះ។

ទេ ការប្រើថ្នាំរំលូតកូននៅដើមដំបូងនៃការមានផ្ទៃពោះគឺមានសុវត្ថិភាព បើទោះបីជាអ្នកបានសម្រាលកូនដោយវះ (C-section) ក៏ដោយ។

មិនមានទំនាក់ទំនងរកឃើញរវាងមីហ្វេប្រីស្តូន (Mifepristone) និងពិការភាពពីកំណើតនោះទេ។ ទោះជាយ៉ាងណាក៏ដោយ មីសូប្រូស្តូល (Misoprostol) អាចកើនឡើងបន្តិចបន្តួចលើអត្រា ពិការភាពពីកំណើត។ ប្រសិនបើអ្នកប្រើ មីសូប្រូស្តូល (Misoprostol) ហើយអ្នកនៅតែមានផ្ទៃពោះក្រោយពីទទួលទានថ្នាំនេះ អ្នកប្រហែលជារលូតកូនតាមធម្មជាតិនៅពេលក្រោយ។ ប្រសិនបើកូនអ្នកមិនរលូត ហើយអ្នកពរពោះពេញខែ ហានិភ័យនៃការខូចទ្រង់ទ្រាយរបស់ទារកដែលទាក់ទងនឹងការប៉ះពាល់ជាមួយមីសូប្រូស្តូល(Misoprostol) គឺនៅតែតិចជាង 10 ក្នុងមួយ 1,000 នៃការប៉ះពាល់។

ប្រសិនបើអ្នកធ្លាប់ធ្វើការវះកាត់ធ្វើមិនឱ្យមានកូនពីមុន ហើយឥឡូវនេះមានផ្ទៃពោះ អ្នកនៅតែអាចប្រើថ្នាំពន្លូតកូនបាន។ ទោះជាយ៉ាងណាក៏ដោយ អ្នកមានហានិភ័យខ្ពស់ជាងមនុស្សធម្មតាសម្រាប់ការពោរពោះក្រៅស្បូន ឬមានផ្ទៃពោះនៅខាងក្រៅស្បូន ព្រោះការធ្វើមិនឱ្យមានកូនពីមុនបង្កើតឱ្យមានស្លាកស្នាម។ នៅក្នុងបំពង់ដៃស្បូន អ្នកអាចជ្រើសរើសបន្តជាមួយថ្នាំពន្លូតកូន ទោះបីជាយ៉ាងណាក៏ដោយ ប្រសិនបើអ្នកមានផ្ទៃពោះក្រៅស្បូន ថ្នាំគ្រាប់នឹងមិនមានប្រសិទ្ធភាពទេ ប៉ុន្តែការមានផ្ទៃពោះក្រៅស្បូនរបស់អ្នកនឹងបន្តលូតលាស់ និងអាចបង្កគ្រោះថ្នាក់ដល់អាយុជីវិត។ បើសិន​ជា​ការ​មាន​ផ្ទៃពោះក្រៅស្បូន អ្នកនឹងង​ត្រូវការ​ការយកចិត្តទុកដាក់​ខាង​វេជ្ជសាស្ត្រ និង​ការព្យាបាល​ជា​ពិសេស ប្រសិនបើ​អ្នក​បានវះកាត់ធ្វើមិនឱ្យមានកូនពីមុន ហើយនិង​មាន​អ៊ុលត្រាសោន​ដើម្បី​បញ្ជាក់​ថា​ការ​មាន​ផ្ទៃពោះ​គឺ​នៅក្នុង​ស្បូន (​មិនមែនក្រៅស្បូន​) វា​មាន​សុវត្ថិភាព​ក្នុង​ការ​ប្រើប្រាស់ថ្នាំ។

ការមានផ្ទៃពោះក្រៅស្បូនត្រូវបានធ្វើរោគវិនិច្ឆ័យដោយអ៊ុលត្រាសោន។ ប្រសិនបើអ្នកត្រូវបានគេធ្វើរោគវិនិច្ឆ័យថាមានផ្ទៃពោះក្រៅស្បូន មិនមានការណែនាំអោយប្រើថ្នាំពន្លូតកូនទេ ពីព្រោះវានឹងមិនមានប្រសិទ្ធភាពទេ។ ជំនួសមកវិញ អ្នកត្រូវតែស្វែងរកការថែទាំសុខភាពសម្រាប់ការព្យាបាលនៃការមានផ្ទៃពោះក្រៅស្បូន ពីព្រោះនេះមិនមែនជាការមានផ្ទៃពោះដែលអាចសម្រេចបាននោះទេ។ សូម្បីតែនៅក្នុងប្រទេសដែលការរំលូតកូនមិនស្របច្បាប់ក៏ដោយ អ្នកអាចទទួលបាននីតិវិធីច្បាប់ដើម្បីបញ្ចប់ការមានផ្ទៃពោះនេះ។

ក្នុងនាមបុរសប្តូរយេនឌ័រ ឬជាមនុស្សមិនកំណត់ភេទ វាមានសុវត្ថិភាពក្នុងការរំលូតដោយថ្នាំគ្រាប់។ ប្រសិនបើអ្នកកំពុងលេបថ្នាំអរម៉ូន masculinizing, misoprostol ឬ mifepristone នឹងមិនជ្រៀតជ្រែកអ្វីឡើយ។ ថ្នាំរំលូតទាំងនេះអាចប្រើដោយសុវត្ថិភាព ប្រសិនបើអ្នកកំពុងប្រើអ័រម៉ូន Testosterone (T) និង/ឬ gonadotrophin releasing hormone (GnRH) analogues។ ទោះជាយ៉ាងណាក៏ដោយ អ្នកអាចជួបប្រទះការលំបាកក្នុងការស្វែងរកការថែទាំរំលូតប្រកបដោយបរិយាប័ន្ន។ សូមស្វែងយល់បន្ថែមអំពីការថែទាំរំលូតនៅក្នុងប្រទេសរបស់អ្នក។

ការស្រាវជ្រាវបង្ហាញថា ការរំលូតដោយប្រើឱសថត្រូវបានណែនាំជាញឹកញាប់បំផុតសម្រាប់ការមានផ្ទៃពោះមុន ១៣ សប្តាហ៍ចាប់តាំងពីការមករដូវចុងក្រោយរបស់អ្នក។ ពិធីការ HowToUseAbortionPill ក៏ត្រូវបានបម្រុងទុកសម្រាប់ការមានផ្ទៃពោះរហូតដល់ ១៣ សប្តាហ៍។ ថ្នាំរំលូតអាចត្រូវបានប្រើនៅពេលក្រោយទៀតក្នុងការមានផ្ទៃពោះ ប៉ុន្តែត្រូវការពិធីការ និងការគិតពិចារណាផ្សេងៗគ្នាសម្រាប់សុវត្ថិភាព។ សម្រាប់ព័ត៌មានបន្ថែម អ្នកអាចទាក់ទងទៅមិត្តភ័ក្តិរបស់យើងតាមរយៈវេបសាយ www.womenonweb.org ។ ឬចូលទៅកាន់ទម្រង់ព័ត៌មានប្រទេសរបស់យើង ដើម្បីស្វែងយល់បន្ថែមអំពីធនធានសម្រាប់ការរំលូតនៅក្នុងប្រទេសរបស់អ្នក។

ការរំលូតដោយប្រើឱសថគឺមានសុវត្ថិភាព និងមានប្រសិទ្ធភាពបំផុតនៅពេលប្រើបានត្រឹមត្រូវ។ ការរំលូតដោយប្រើឱសថ មីហ្វេប្រីស្តូន (Mifepristone) រួមជាមួយមីសូប្រូស្តូល (misoprostol) ដំណើរការដោយមានឱកាសជោគជ័យជាង ៩៥% ហើយឱកាសសម្រាប់ផលវិបាកគឺតិចជាង ១% រហូតដល់ ១0 សប្តាហ៍នៃការមានផ្ទៃពោះ និង ៣% នៅចន្លោះពេលមានផ្ទៃពោះ ១០ ទៅ ១៣ សប្តាហ៍។ នៅពេលប្រើឱសថមីសូប្រូស្តូល (misoprostol) តែមួយមុខ ការរំលូតមានអត្រាជោគជ័យ ៨០-៨៥% និងឱកាសសម្រាប់ផលវិបាក ១-៤% រហូតដល់ ១៣ សប្តាហ៍នៃការមានផ្ទៃពោះ។ យោងតាមអង្គការសុខភាពពិភពលោក ការរំលូតដោយថ្នាំ អាចគ្រប់គ្រងដោយខ្លួនឯងនៅផ្ទះប្រកបដោយសុវត្ថិភាព និងមានប្រសិទ្ធភាព ដរាបណាអ្នកទទួលបានព័ត៌មានត្រឹមត្រូវ និងថ្នាំមានធានាគុណភាព។

ថ្នាំរំលូតកូនមានពីរប្រភេទ ហើយថ្នាំនីមួយៗមានសកម្មភាពផ្សេងៗគ្នា។ មីហ្វេប្រីស្តូន (Mifepristone) ទប់ស្កាត់អរម៉ូនដែលជាតម្រូវការអោយមានផ្ទៃពោះដើម្បីលូតលាស់ ខណៈពេលដែលគ្រឿងផ្សំ ដែលប្រើក្នុង មីសូប្រូស្តូល (misoprostol) ធ្វើការដោយសម្រាក និងបើកមាត់ស្បូន (បើកចំហទៅស្បូន) និងធ្វើឱ្យស្បូនបង្រួម ដែលជំរុញមិនឱ្យមានផ្ទៃពោះ។

ថ្នាំមីសូប្រូស្តូល (misoprostol) ធ្វើឱ្យស្បូនបង្រួម និងមិនឱ្យមានផ្ទៃពោះ។

មីហ្វេប្រីស្តូន (Mifepristone) ទប់ស្កាត់អរម៉ូនដែលត្រូវការ ដែលធ្វើអោយផ្ទៃពោះលូតលាស់។

បាទ/ចាស អ្នកអាចប្រើ មីសូប្រូស្តូល (misoprostol) ដោយមានសុវត្ថិភាពនៅផ្ទះ។ នៅពេលដែលអ្នកប្រើថ្នាំ មីសូប្រូស្តូល (misoprostol) សូមប្រាកដថាអ្នកស្ថិតនៅក្នុងតំបន់មួយ (ដូចជាផ្ទះរបស់អ្នក) ដែលជាកន្លែងដែលអ្នកមានភាពស្ងាត់ ហើយអ្នកអាចសម្រាកបាន ពីរទៅបីម៉ោង បន្ទាប់ពីអ្នកលេបថ្នាំរួច។ ការមាននរណាម្នាក់ជាមួយអ្នក ដែលអាចមើលថែរក្សាអ្នក និងយកទឹកតែក្តៅ ឬអាហារឱ្យអ្នក ក៏អាចមានប្រយោជន៍ណាស់ដែរ។

សូមកុំបរិភោគ ឬផឹកអ្វី ក្នុងរយៈពេល 30នាទី ខណៈពេលដែលចាំឱ្យ មីសូប្រូស្តូល (misoprostol) រំលាយ។ បន្ទាប់ពី 30នាទី កន្លងផុតទៅ អ្នកអាចផឹកទឹកដើម្បីលេបសំណល់ថ្នាំ និងជាទូទៅផឹកទឹកអោយច្រើន តាមដែលអ្នកត្រូវការ ជាតិទឹក។

បាទ/ចាស៎ អ្នកអាចផឹកទឹកដើម្បីជួយអ្នកលេប ​​មីហ្វេប្រីស្តូន (Mifepristone)

មានវិធីពីរយ៉ាងក្នុងការប្រើប្រាស់ថ្នាំមីសូប្រូស្តូលដោយជោគជ័យ៖ ដាក់ថ្នាំនោះនៅក្នុងស្បូន(តាមក្នុងស្បូន)របស់អ្នក ឬក្រោមអណ្តាតរបស់អ្នក (តាមក្រោមអណ្តាត)។ HowToUseAbortionPill ណែនាំថា អ្នកគ្រាន់តែប្រើមីសូប្រូស្តូល (Misoprostol) នៅក្រោមអណ្តាតរបស់អ្នក ពីព្រោះថ្នាំរលាយលឿន ហើយវាមានលក្ខណៈឯកជនជាង ដោយសារពួកវាមិនបន្សល់ទុកដានដែលអាចមើលឃើញនៅក្នុងខ្លួនរបស់អ្នកឡើយ។

ការប្រើបញ្ចូលគ្នារវាង មីហ្វេប្រីស្តូន (Mifepristone) និង មីសូប្រូស្តូល (Misoprostol) និង មីសូប្រូស្តូល (Misoprostol) តែមួយ គឺជម្រើសមានប្រសិទ្ធភាព។ ទោះជាយ៉ាងណាក៏ដោយ ប្រសិនបើមាន ហើយតំលៃសមរម្យសម្រាប់អ្នក ការប្រើបញ្ចូលគ្នានៃ មីហ្វេប្រីស្តូន (Mifepristone) និង មីសូប្រូស្តូល (Misoprostol) គួរតែជាជម្រើសរបស់អ្នក ពីព្រោះវាមានប្រសិទ្ធភាពជាងមីសូប្រូស្តូល(Misoprostol) បន្តិច។

ស្ត្រី 98នាក់ ក្នុងចំណោម 100នាក់ នឹងរំលូតកូនទាំងស្រុងប្រសិនបើប្រើថ្នាំ មីហ្វេប្រីស្តូន (Mifepristone) និង មីសូប្រូស្តូល (misoprostol) ។ ប្រហែល 95 នាក់ក្នុងចំណោម 100នាក់ នឹងរំលូតកូនទាំងស្រុង ប្រសិនបើប្រើថ្នាំ មីសូប្រូស្តូល (misoprostol) តែមួយប៉ុណ្ណោះ។

ថ្នាំ មីហ្វេប្រីស្តូន (Mifepristone) និង មីសូប្រូស្តូល (misoprostol) ត្រូវបានគេប្រើរួមគ្នា ព្រោះវាជាថ្នាំគ្រាប់បំពេញគ្នាទៅវិញទៅមក។ ថ្នាំដែលប្រើនៅក្នុង មីសូប្រូស្តូល (misoprostol) ធ្វើការដោយសម្រាក និងបើកមាត់ស្បូន (បើកចំហទៅស្បូន) និងធ្វើឱ្យស្បូនបង្រួម ដែលជំរុញមិនឱ្យមានផ្ទៃពោះ។

ប្រសិនបើអ្នកប្រើប្រាស់ថ្នាំ មីសូប្រូស្តូល (misoprostol) នៅក្រោមអណ្តាតរបស់អ្នក នោះគ្មាននរណាម្នាក់អាចប្រាប់ថា អ្នកប្រើថ្នាំរំលូតកូនបានទេ ព្រោះអ្នកនឹងលេបអ្វីៗទាំងអស់ បន្ទាប់ពី 30នាទីក្រោយ។ ប្រសិនបើនរណាម្នាក់សួរ អ្នកអាចនិយាយថាអ្នកបានរលូតកូនដោយធម្មជាតិ។ ប្រសិនបើអ្នកប្រើ មីសូប្រូស្តូល (misoprostol) តាមរន្ធយោនី នោះស្រទាប់ថ្នាំអាចនឹងមិនរំលាយទាំងស្រុង ក្នុងមួយថ្ងៃ ឬពីរថ្ងៃទេ។ ប្រសិនបើអ្នកត្រូវការ ការព្យាបាលបន្ទាន់ក្នុងរយៈពេល 48 ម៉ោង ចាប់តាំងពីអ្នកប្រើ មីសូប្រូស្តូល (misoprostol) តាមរន្ធយោនី មណ្ឌលថែទាំសុខភាព អាចនឹងរកឃើញស្រទាប់ថ្នាំនៅក្នុងរន្ធយោនីរបស់អ្នក។ នេះជាមូលហេតុ ដែលរបៀបប្រើ (HowToUse) ណែនាំថា អ្នកប្រើតែ មីសូប្រូស្តូល (misoprostol) នៅក្រោមអណ្តាតរបស់អ្នក និងមិនមែននៅក្នុងរន្ធយោនីរបស់អ្នក។

ប្រសិនបើអ្នកមានប្រតិកម្មទៅនឹងថ្នាំ NSAIDs (រួមទាំងថ្នាំ ibuprofen) សូមប្រើឱសថ acetaminophen (Tylenol/Paracetamol ជាថ្នាំបំបាត់ការឈឺចាប់ជំនួសវិញ។ វា​មាន​លក់​នៅ​តាម​បញ្ជរ​លក់ថ្នាំក្នុង​ប្រទេស​ភាគច្រើន។ ចូរលេប ២ គ្រាប់ (បរិមាណ ៣២៥ mg) រៀងរាល់ ៤-៦ ម៉ោង ដើម្បីបំបាត់ការឈឺចាប់។ កម្រិតដូសអតិបរមាក្នុងរយៈពេល ២៤ ម៉ោងគឺ ៤០០០mg ។

អ្នកគួរតែជៀសវាងការប្រើឱសថរំលូតនៅផ្ទះ តាមពិធីការ HowToUseAbortionPill ប្រសិនបើអ្នកមានផ្ទៃពោះលើសពី 13 សប្តាហ៍ (91 ថ្ងៃ) ។ ប្រសិនបើអ្នកមានអាឡែស៊ីទៅនឹងថា មីហ្វេប្រីស្តូន (Mifepristone) រួមជាមួយមីសូប្រូស្តូល (Misoprostol) ។ ប្រសិនបើអ្នកមានបញ្ហាសុខភាពធ្ងន់ធ្ងរ រួមទាំងបញ្ហាកំណកឈាម។ ឬប្រសិនបើអ្នកជឿ ឬដឹងថាការមានផ្ទៃពោះកំពុងលូតលាស់នៅខាងក្រៅស្បូន (ការមានគភ៌ក្រៅស្បូន)។

រាល់បទពិសោធន៍នៃការរំលូតគឺមានសភាពខុសគ្នា។ អ្នកអាចជួបប្រទះការរចុកពោះ និងហូរឈាមច្រើនជាងអំឡុងពេលមករដូវធម្មតា (ប្រសិនបើអ្នកមានការឈឺចាប់ពេលមករដូវ)។ ប៉ុន្តែវាក៏ជារឿងធម្មតាដែរ ប្រសិនបើការរចុកពោះរបស់អ្នកស្រាល ហើយការហូរឈាមរបស់អ្នកគឺដូចជាការមករដូវធម្មតា។ ផលរំខានទូទៅផ្សេងទៀតមានដូចជា ចង្អោរ រាក គ្រុនក្តៅ និងឈឺក្បាល។ ទោះជាយ៉ាងណាក៏ដោយ អ្នកគួរតែមានអារម្មណ៍ធូរស្រាលក្នុងរយៈពេលតិចជាង ២៤ ម៉ោង។ ប្រសិនបើអ្នកចាប់ផ្តើមឈឺ អ្នកគួរតែស្វែងរកការព្យាបាល។

ចំពោះស្ត្រីមួយចំនួនរមួលខ្លាំង ខ្លាំងជាងការឈឺចាប់ពេលមានរដូវ (ប្រសិនបើអ្នកមានការឈឺរមួលពេលមកឈាមរដូវ) ហើយមានការហូរឈាមធ្ងន់ធ្ងរ ជាងអំឡុងពេលមកឈាមរដូវ។ អ្នកប្រហែលហូរឈាមកក រហូតដល់ទំហំប៉ុនក្រូចឆ្មារ ក្នុងកំឡុងពេលពីរទៅបីម៉ោងដំបូង ក្រោយពីប្រើថ្នាំ មីសូប្រូស្តូល (Misoprostol)។ ចំពោះស្ត្រីដទៃទៀត ការរមួលគឺស្រាល និងហូរឈាមគឺដូចជាពេលមករដូវធម្មតា។ ជាទូទៅការហូរឈាមគឺធ្ងន់បំផុតក្នុងរយៈពេល 24 ម៉ោងដំបូងនៃការប្រើថ្នាំមីសូប្រូស្តូល(Misoprostol) ។

ដើម្បីឱ្យថ្នាំពន្លូតកូនដំណើរការ អ្នកត្រូវតែជួបប្រទះការហូរឈាម។ សូមស្វែងរកមណ្ឌលថែទាំវេជ្ជសាស្ត្រ ប្រសិនបើអ្នកមិនមានការហូរឈាម ឬមានការហូរឈាមតិចតួច ហើយមានការឈឺចាប់ធ្ងន់ធ្ងរ (ជាពិសេសនៅស្មាខាងស្តាំ) ហើយនៅតែមិនធូរស្រាលបន្ទាប់ពីប្រើថ្នាំអាយប៊ូប្រូហ្វិន (Ibuprofen)។ នេះអាចជាសញ្ញាមួយ នៃការមានផ្ទៃពោះក្រៅស្បូន (ការមានផ្ទៃពោះដែលស្ថិតនៅក្រៅស្បូន)។ វាជារឿងកម្រ តែវាអាចគំរាមកំហែងដល់អាយុជីវិត។ អ្នកក៏អាចទំនាក់ទំនងមិត្តភក្តិរបស់យើងនៅ www.safe2choose.org ដើម្បីនិយាយជាមួយអ្នកប្រឹក្សាយោបល់ ពីការពន្លូតកូន ដែលបានបណ្ដុះបណ្ដាល ប្រសិនបើអ្នកមានការព្រួយបារម្ភថា ការរំលូតកូនមិនទទួលបានជោគជ័យ។

សូមស្វែងរកមណ្ឌលថែទាំវេជ្ជសាស្ត្រ ប្រសិនបើសំឡីអនាម័យ 2 ជោគដោយឈាមក្នុងរយៈពល 2ម៉ោង បន្ទាប់ពីអ្នកគិតថា អ្នកបានឆ្លងផុតការមានផ្ទៃពោះ។ ជោគ មានន័យថាសំឡីអនាម័យ ត្រូវបានពោរពេញទៅដោយឈាម នៅពីមុខនិងក្រោយ ចុងម្ខាងទៅម្ខាងទៀត និងពេញទាំងអស់។

លេបថ្នាំ 3-4គ្រាប់ (200 មីលីក្រាម) រៀងរាល់ 6-8ម៉ោង ដើម្បីជួយកាត់បន្ថយការឈឺចាប់របស់អ្នក។ សូមចងចាំថាអ្នកក៏អាចប្រើថ្នាំអាយប៊ូប្រូហ្វិន (Ibuprofen) មុននឹងប្រើ មីសូប្រូស្តូល (misoprostol) ផងដែរ។

បន្ទាប់ពីមីសូប្រូស្តូល(Misoprostol) បានរលាយអស់រយៈពេល 30 នាទីអ្នកអាចញ៉ាំតាមដែលអ្នកចូលចិត្ត។ មិនមានការរឹតបន្តឹងលើប្រភេទអាហារដែលអ្នកអាចញ៉ាំបានទេ។ HowToUseAbortionPill ណែនាំអាហារស្ងួតសាមញ្ញ (ឧទាហរណ៍ នំស្រួយ ឬនំប៉័ង) ព្រោះថាវាអាចជួយដល់ការចង្អោរ ខណៈដែលបន្លែស្លឹកបៃតង ស៊ុត និងសាច់ក្រហមអាចផ្តល់ប្រូតេអ៊ីន និងជួយស្ដារសារធាតុរ៉ែដែលបាត់បង់អំឡុងពេលពន្លូតកូន។

បន្ទាប់ពីប្រើ មីសូប្រូស្តូល (misoprostol) បានរលាយ អ្នកអាចផឹកគ្រឿងទឹកដែលអ្នកចូលចិត្ត (លើកលែងតែគ្រឿងស្រវឹង) ។

HowToUseAbortionPill ផ្តល់អនុសាសន៍ឱ្យជៀសវាងការសេពគ្រឿងស្រវឹងក្នុងអំឡុងពេលដំណើរការពន្លូតកូនដោយថ្នាំគ្រាប់ ដើម្បីកាត់បន្ថយផលប៉ះពាល់អវិជ្ជមាននៃជាតិអាល់កុលទៅលើថ្នាំ ហើយជាមួយនឹងសមត្ថភាពក្នុងការថែទាំខ្លួនអ្នក។ ជាតិអាល់កុលក៏អាចប៉ះពាល់ដល់ការហូរឈាមផងដែរ។ នៅពេលដែលអ្នកមានទំនុកចិត្តថាការពន្លូតកូនបានជោគជ័យហើយនោះ វាមិនអីទេក្នុងការទទួលទានគ្រឿងស្រវឹងវិញ។

ស្ត្រីភាគច្រើន​នឹង​ឆ្លងផុត​ការ​មាន​ផ្ទៃពោះ ហើយ​ជួប​ប្រទះ​នឹង​រោគសញ្ញា​នៃ​ការ​រមួលក្រពើ និង​ហូរ​ឈាម​ដ៏​អាក្រក់​បំផុត​ក្នុង​រយៈពេល​ប្រហែល 4 ទៅ 5 ម៉ោង​នៃ​ការ​ប្រើ​ថ្នាំមីក្រូប្រូស្តូល(Misoprostol) ដូស​ដំបូង​។ មនុស្សភាគច្រើននឹងចាប់ផ្តើមមានអារម្មណ៍ធូរស្រាលក្នុងរយៈពេល 24 ម៉ោងបន្ទាប់ពីប្រើកម្រិតចុងក្រោយនៃមីសូប្រូស្តូល(Misoprostol) ។ វាជារឿងធម្មតាទេ ដែលអ្នកបន្តឃើញការហូរឈាមបន្តិចបន្តួច និងស្នាមអុជ រហូតដល់មានរដូវម្តងទៀតក្នុងរយៈពេលពី 3 ទៅ 4 សប្តាហ៍។

បន្ទាប់ពីប្រើប្រាស់មីសូប្រូស្តូល (Misoprostol) វាជារឿងធម្មតាទេដែលមានអារម្មណ៍ថាឈឺពោះ រាគ ញាក់ ឬសូម្បីតែមានអារម្មណ៍ថាអ្នកក្តៅខ្លួន ក្នុងអំឡុងពេលនេះ។ ស្ត្រីភាគច្រើនបានអោយដឹងថា ពួកគេដឹងពេលណាពួកគេបានឆ្លងកាត់ការមានផ្ទៃពោះ ដោយសារការហូរឈាមបានធ្លាក់ចុះ ផលប៉ះពាល់នៃថ្នាំថយចុះ ហើយរោគសញ្ញានៃការមានផ្ទៃពោះចាប់ផ្តើមថយចុះ។

ផលវិបាកក្នុងការរំលូតដោយប្រើឱសថគឺកម្រណាស់។ ទោះជាយ៉ាងណាក៏ដោយ វាជារឿងសំខាន់ដែលអ្នកត្រូវដឹងពីសញ្ញាផលវិបាកដែលអាចកើតមាន។ ប្រសិនបើអ្នកធ្លាប់មានការហូរឈាមខ្លាំង (សើមសំឡីអនាម័យទាំង ២ ក្នុងមួយម៉ោង រយៈពេល ២ ម៉ោងជាប់គ្នា) មានការឈឺចាប់ខ្លាំងគ្មានធូរស្រាលសោះ បន្ទាប់ពីលេបថ្នាំ ibuprofen ឬចាប់ផ្តើមឈឺនៅថ្ងៃណាមួយបន្ទាប់ពីអ្នកប្រើឱសថ misoprostol អ្នកគួរតែស្វែងរកការព្យាបាល។

តើការរំលូតដោយប្រើឱសថ ឬការរំលូតនៅផ្ទះមានការរឹតត្បិតស្របច្បាប់នៅក្នុងប្រទេសរបស់អ្នកដែរឬទេ? អ្នកប្រហែលជាត្រូវប្រុងប្រយ័ត្នចំពោះអ្វីដែលអ្នកនិយាយ។ ការរំលូតដោយប្រើឱសថមានរោគសញ្ញាដូចគ្នានឹងការរលូតដោយធម្មជាតិ (ត្រូវបានគេស្គាល់ថាជាការរំលូតដោយឯកឯង)។ ដូច្នេះហើយ អ្នកអាចនិយាយរឿងដូចជា ‹‹ខ្ញុំកំពុងហូរឈាម ប៉ុន្តែវាមិនមានអារម្មណ៍ដូចការមករដូវធម្មតារបស់ខ្ញុំទេ។››

មានវិធីផ្សេងគ្នាដើម្បីដឹងថាតើការរំលូតបានជោគជ័យឬអត់។ ក្នុងអំឡុងពេលរំលូត អ្នកប្រហែលជាអាចសម្គាល់បានថា អ្នកបានឆ្លងជាលិកាមានផ្ទៃពោះ (វាអាចមើលទៅដូចជាទំពាំងបាយជូពណ៌ស្រអាប់តូចៗ និងភ្នាសស្តើង ឬថង់តូចមួយដែលព័ទ្ធជុំវិញដោយស្រទាប់ពណ៌សស្លែត)។ នេះជាការបង្ហាញថា ការរំលូតបានជោគជ័យ។ ទោះជាយ៉ាងណាក៏ដោយ វាប្រហែលជាមិនអាចកំណត់អត្តសញ្ញាណជាលិកាមានផ្ទៃពោះបានជានិច្ចនោះទេ។ ការបង្ហាញពីការរំលូតកូនមួយទៀតដោយជោគជ័យគឺការបាត់រោគសញ្ញាមានផ្ទៃពោះ ដូចជា សុដន់តឹង និងចង្អោរ។

ការរកផ្ទៃពោះតាមការធ្វើតេស្តទឹកនោម គឺជាមធ្យោបាយមួយទៀតដើម្បីបញ្ជាក់ពីជោគជ័យនៃការរំលូត។ ទោះជាយ៉ាងណាក៏ដោយ ត្រូវដឹងថាការធ្វើតេស្តមានផ្ទៃពោះអាចមានភាពវិជ្ជមានក្នុងរយៈពេល ៤ សប្តាហ៍បន្ទាប់ពីការរំលូតរបស់អ្នក ដោយសារតែអរម៉ូនបន្តនៅក្នុងខ្លួនរបស់អ្នក។ អ៊ុលត្រាសោនគឺចាំបាច់តែក្នុងករណីមានការសង្ស័យថាតើការមានផ្ទៃពោះត្រូវបានបញ្ចប់ដោយជោគជ័យឬប្រសិនបើមានការសង្ស័យអំពីផលវិបាក (ការហូរឈាមខ្លាំងឬការឆ្លងមេរោគ) ។

ការពិនិត្យអេកូមិនត្រូវបានទាមទារបន្ទាប់ពីការរំលូតដោយថ្នាំគ្រាប់នោះទេ។ ការពិនិត្យអេកូគឺចាំបាច់តែក្នុងករណីមានការសង្ស័យចំពោះផលវិបាក (ការហូរឈាមខ្លាំង ឬការឆ្លងមេរោគ) ឬប្រសិនបើមានការសង្ស័យថាតើគភ៌ត្រូវបានរំលូតជោគជ័យដែរឬទេ។ ប្រសិនបើអ្នកបន្តមានអារម្មណ៍ថាមានរោគសញ្ញានៃការមានផ្ទៃពោះ (សុដន់តឹង ចង្អោរ អស់កម្លាំង។ល។) បន្ទាប់ពីប្រើឱសថរួច អ្នកនឹងត្រូវពិគ្រោះជាមួយបុគ្គលិកថែទាំសុខភាពសម្រាប់ជំហានបន្ទាប់។ ជំហានបន្ទាប់ដែលអាចកើតមានគឺ ការពិនិត្យអេកូ ប្រសិនបើយល់ថាសមស្រប។ សម្រាប់ព័ត៌មានបន្ថែម អ្នកអាចទាក់ទងទៅមិត្តភ័ក្តិរបស់យើងតាមរយៈវេបសាយ www.womenonweb.org ។ ឬចូលទៅកាន់ទម្រង់ព័ត៌មានប្រទេសផ្សេងៗរបស់យើង ដើម្បីស្វែងយល់បន្ថែមអំពីការរំលូតកូននៅក្នុងប្រទេសរបស់អ្នក។

ប្រសិនបើអ្នកមិនធ្លាប់មានការហូរឈាម ឬរមួលក្រពើជាមួយថ្នាំគ្រាប់នោះទេ ហើយសង្ស័យថាអ្នកនៅតែមានផ្ទៃពោះ ឬប្រសិនបើអ្នកបញ្ជាក់ដោយអ៊ុលត្រាសោ ការមានផ្ទៃពោះរបស់អ្នកនៅតែលូតលាស់ អ្នកអាចធ្វើដំណើរប្រើប្រាស់ HowToUseAbortionPill ម្តងទៀតរហូតដល់ 13 សប្តាហ៍នៃការមានផ្ទៃពោះ។

ប្រសិនបើអ្នកបញ្ជាក់ថាការមានផ្ទៃពោះរបស់អ្នកបានឈប់លូតលាស់ដោយប្រើអ៊ុលត្រាសោន ប៉ុន្តែការមានផ្ទៃពោះមិនបានបញ្ចេញចេញពីស្បូនទេ វាគឺជាការពន្លូតកូនមិនពេញលេញ (ស្រដៀងនឹងការរលូតកូន) ហើយអ្នកមានសិទ្ធិធ្វើការវះកាត់ដើម្បីយកការមានផ្ទៃពោះចេញ។ នេះអាចប្រើបានយ៉ាងទូលំទូលាយនៅជុំវិញពិភពលោក ដោយសារតែការមានផ្ទៃពោះរបស់អ្នកមិនត្រូវបានចាត់ទុកថាអាចដំណើរការបានទៀតទេ។ ម៉្យាងទៀត វាមានសុវត្ថិភាពក្នុងការធ្វើម្តងទៀតនូវដំណើរការពន្លូតកូនដោយថ្នាំគ្រាប់ ដែលទំនងជាជោគជ័យក្នុងការបញ្ចប់ការមានផ្ទៃពោះជាលើកទីពីរ។

អ្នកអាចមានផ្ទៃពោះម្តងទៀតបានភ្លាមៗក្នុងរយៈពេល 8 ថ្ងៃបន្ទាប់ពីការពន្លូតកូនតាមវេជ្ជសាស្ត្រ។ ប្រសិនបើអ្នករួមភេទ ហើយមិនចង់មានផ្ទៃពោះ អ្នកគួរតែពិចារណាប្រើប្រាស់វិធីពន្យារកំណើតដើម្បីការពារការមានផ្ទៃពោះដោយមិនបានគ្រោងទុក។

ទេ ថ្នាំរំលូតមិនបណ្តាលឱ្យទារកពិការពីកំណើត នៅពេលមានកូននាពេលអនាគតទេ។

ទេ ការរំលូតកូនដោយថ្នាំគ្រាប់ នឹងមិនធ្វើឱ្យពិបាកក្នុងការមានគភ៌នាពេលអនាគតទេ។

ទោះបីជាការរំលូតជារឿងធម្មតាក៏ដោយ យើងអាចពិបាកនិយាយ។ ការរំលូតនៅតែហ៊ុំព័ទ្ធដោយព័ត៌មានមិនពិត ជំនឿ និងការមាក់ងាយ។ នៅពេលអ្នកនិយាយអំពីការរំលូត សូមព្យាយាមប្រើព័ត៌មានត្រឹមត្រូវពីប្រភពជឿទុកចិត្តបាន ជៀសវាងភាសាមាក់ងាយ ប្រើប្រាស់ភាសាដែលរួមបញ្ចូលគ្រប់មនុស្ស – អ្នកធ្លាប់មានការរំលូតកូនផ្សេងៗគ្នា។ ទោះបីជាវាមិនងាយស្រួលរហូតក៏ដោយ សូមកុំចាប់ផ្តើមការពិភាក្សាតទល់។ ផ្ទុយទៅវិញ សួរសំណួរបើកចំហអំពីអាកប្បកិរិយា និងបទពិសោធន៍របស់មនុស្សធ្លាប់មានការរំលូត។

លក្ខណៈផ្លូវច្បាប់សម្រាប់ការរំលូតដោយប្រើឱសថ អាស្រ័យលើកន្លែងដែលអ្នករស់នៅ។ នៅក្នុងប្រទេសខ្លះ ការរំលូតគឺស្របច្បាប់រហូតដល់ចំនួនសប្តាហ៍ជាក់លាក់នៃការមានផ្ទៃពោះ ដោយឡែកនៅប្រទេសផ្សេងទៀត ការរំលូតគឺស្របច្បាប់ក្នុងកាលៈទេសៈមួយចំនួន (ឧទាហរណ៍ ក្នុងករណីរំលោភ ឬគ្រោះថ្នាក់ដល់អាយុជីវិតអ្នកមានផ្ទៃពោះ)។ ថ្នាំរំលូតច្រើនតែមានលក់ដោយស្របច្បាប់នៅក្នុងប្រទេសដែលការរំលូតកូនស្របច្បាប់ ទោះបីជាថ្នាំទាំងនេះមិនត្រូវបានប្រើប្រាស់នៅខាងក្រៅមណ្ឌលសុខភាពជាប់លាប់ក៏ដោយ។ ក៏មានប្រទេសដែលការរំលូតត្រូវបានហាមឃាត់ទាំងស្រុង។ សូមស្វែងយល់បន្ថែមអំពីការរំលូតកូននៅក្នុងប្រទេសរបស់អ្នក។

បទពិសោធន៍រំលូតរបស់មនុស្សគ្រប់រូបមានការខុសគ្នា។ អ្នកខ្លះមានអារម្មណ៍ធូរស្រាល និងមានភាពរីករាយ ដោយឡែកអ្នកខ្លះទៀតមានអារម្មណ៍សោកសៅ។ អារម្មណ៍ទាំងអស់គឺធម្មតា។ ទោះជាយ៉ាងណាក៏ដោយ អារម្មណ៍អវិជ្ជមានយូរអង្វែងគឺកម្រណាស់។ អ្វីដែលអាចប៉ះពាល់អវិជ្ជមានដល់សុខភាពផ្លូវចិត្តរបស់អ្នកគឺការប្រឈមនឹងការមាក់ងាយ និងការវិនិច្ឆ័យ។ ចូរចងចាំថាអ្នកមិននៅម្នាក់ឯងទេ – ការរំលូតគឺជារឿងធម្មតា។ ការគាំទ្រពីមិត្តភក្តិ ក្រុមគ្រួសារ ឬអង្គការក្នុងស្រុកអាចជួយបាន។

មានវិធីសាស្រ្តពីរ នៃការរំលូតកូនគឺ:
1) ការពន្លូតកូនតាមវេជ្ជសាស្ត្រ: ការពន្លូតកូនដោយប្រើថ្នាំតាមឱសថវិទ្យា ដើម្បីបញ្ចប់ការមានផ្ទៃពោះ។ ពេលខ្លះគេប្រើពាក្យថា “ការរំលូតកូនដោយមិនវះកាត់” ឬ “ការរំលូតកូនដោយប្រើថ្នាំ” ក៏ត្រូវបានគេប្រើផងដែរ។
2) ការរំលូតកូនដោយវះកាត់: ក្នុងនីតិវិធីរំលូតកូននេះ អ្នកជំនាញដែលមានជំនាញគ្រប់គ្រាន់ នឹងលាងអោយស្បូនទទេ នៅតាមស្បូន ដល់មាត់ស្បូន ដើម្បីបញ្ចប់ការមានផ្ទៃពោះ។ នីតិវិធីទាំងនេះរួមមានបូមសំអាតដោយដៃ (MVA) និងការពង្រីក និងបញ្ចេញចោល (D&E)។

វិធីសាស្រ្តរំលូតកូនមិនត្រូវច្រឡំ ជាមួយវិធីសាស្រ្តដើម្បីការពារការមានផ្ទៃពោះទេ (វិធីពន្យារកំណើត រួមទាំងការពន្យាកំណើតពេលអាសន្នផងដែរ)។ វិធីពន្យាកំណើត ធ្វើការដោយការការពារការបញ្ចេញពងអូវុល (ការបញ្ចេញពង) ឬបញ្ឈប់ការជួបគ្នារវាងពង និងមេជីវិតឈ្មោល។ វិធីពន្យារកំណើត រួមទាំងការពន្យាកំណើតពេលអាសន្នផងដែរ មិនអាចត្រូវបានប្រើដើម្បីបញ្ចប់ ឬបង្អាក់ការមានផ្ទៃពោះដែលបានកើតឡើងហើយនោះទេ។ អ្នកអាចចូលមើលគេហទំព័រ www.findmymethod.org ដើម្បីស្វែងយល់បន្ថែមអំពីវិធីពន្យារកំណើត។

ថ្នាំពន្យារកំណើតពេលអាសន្ន (ECPs) គឺជាមធ្យោបាយសុវត្ថិភាព និងមានប្រសិទ្ធភាពក្នុងការការពារការមានផ្ទៃពោះ បន្ទាប់ពីរួមភេទដោយមិនមានការការពារ។ វាធ្វើការដោយការការពារការបញ្ចេញពងអូវុល (ការបញ្ចេញពង) ឬបញ្ឈប់ការជួបគ្នារវាងពង និងមេជីវិតឈ្មោល។ ECPs នឹងមិនបញ្ឈប់ ឬបង្អាក់ការមានផ្ទៃពោះដែលបានកើតឡើងហើយនោះទេ។ ECPs មានភាពខុសប្លែកពីថ្នាំរំលូតកូន (រួមទាំងថ្នាំ មីហ្វេប្រីស្តូន (Mifepristone) និង មីសូប្រូស្តូល (misoprostol))។ ការព្យាបាលទាំងពីរនេះ មានសារសំខាន់សម្រាប់សុខភាពបន្តពូជរបស់ស្ត្រី នៅទូទាំងពិភពលោក។

សម្រាប់ព័ត៌មានបន្ថែម អ្នកអាចទាក់ទងមកក្រុមរបស់យើងតាមរយះ info@howtouseabortionpill.org.