Paano Gamitin ang Abortion Pill

Bago magsimula, basahin ang aming payo Bago Gamitin Ang Pills. Siguruhin na:

• Wala pa kayong 13 linggong buntis (91 araw)
• Sinuri niyo ang lahat ng aming mga konsiderasyon at pangkalahatang payo.
• Mayroon kayong nakahanda na planong pangkaligtasan sa bihirang kaso ng emerhensya.

Mga Tagubilin Para sa isang Aborsyon Gamit ang Mifepristone at Misoprostol

Para sa aborsyon gamit ang mifepristone at misoprostol, kakailanganin niyong uminom ng 200mg pill ng mifepristone at apat hanggang walong 200mcg pills ng misoprostol. Gugustuhin niyo rin na magkaroon ng nakahanda nang gamot sa kirot (painkiller), tulad ng ibuprofen, para tulungan kang makayanan ang kirot. Ang Acetaminophen at paracetamol ay hindi tumatalab sa kirot sa oras ng aborsyon kaya hindi inirerekomenda ang mga ito.

Narito kung paano sabay iniinom ang mifepristone at misoprostol upang wakasan ang pagbubuntis:

Step 1:

Lunukin ang isang 200mg pill ng mifepristone gamit ang tubig.

Step 2:

Maghintay ng 24-48 oras.

Step 3:

Ilagay ang 4 na misoprostol pills (200 mcg bawat isa) sa ilalim ng inyong dila at hayaan ito nang 30 minuto hanggang sa matunaw. Hindi kayo dapat magsalita o kumain sa loob ng 30 minutong ito, kaya mas makabubuting magpunta sa isang lugar na tahimik na walang gagambala sa inyo. Pagkatapos ng 30 minuto, uminom ng tubig at lunukin ang lahat ng natitirang pills. Ito rin ang magandang pagkakataon para uminom ng gamot sa kirot (painkiller) tulad ng ibuprofen, dahil ang paghilab ay agad na magsisimula.

Dapat na nagsisimula na kayong duguin at maghilab sa loob ng 3 oras ng paggamit ng 4 na misoprostol pills.

Step 4:

24 oras pagkatapos uminom ng 4 na misoprostol pills, kung hindi kayo nagsimulang duguin, o kung hindi kayo sigurado na tumalab ang aborsyon, maglagay pa ng 4 na pills ng misprostol sa ilalim ng inyong dila. Pabayaan iyon nang 30 minuto hanggang sa matunaw. Pagkatapos ng 30 minuto, uminom ng tubig at lunukin ang lahat ng natirang pills.

Mga Tagubilin Para sa Aborsyon Gamit Lamang Ang Misoprostol

Bago simulan, basahin ang aming mga payo Bago Gamitin Ang Pill. Siguruhin na:

• Wala pa kayong 13 linggo na buntis (91 araw).
• Nasuri niyo na ang lahat ng aming konsiderasyon at pangkalahatang payo.
• Mayroon kayong nakahandang planong pangkaligtasan (safety plan) sa pambihirang kaso ng emerhensya.

Kung ang mifepristone ay hindi available sa inyong lugar, maaari niyong gamitin ang misoprostol lamang para wakasan ang pregnancy.

Para sa aborsyon gamit lamang ang misoprostol, kakailanganin niyong uminom ng labindalawang 200mcg pills ng misoprostol. Gugustuhin mo rin na mayroon kayong gamot sa kirot, tulad ng ibuprofen, upang maibsan ang kirot. Ang acetaminophen at paracetamol ay hindi tumatalab para makayanan ang kirot sa oras ng aborsyon kaya hindi nirerekomenda ang mga ito.

Ganito ginagamit ang misoprostol nang mag-isa upang wakasan ang pagbubuntis:

Step 1:

Ilagay ang 4 na misoprostol pills (200 mcg bawat isa) sa ilalim ng inyong dila at hayaan ito nang 30 minuto hanggang sa matunaw. Hindi kayo dapat magsalita o kumain sa loob ng 30 minutong ito, kaya mas makabubuting magpunta sa isang lugar na tahimik na walang gagambala sa inyo. Pagkatapos ng 30 minuto, uminom ng tubig at lunukin ang lahat ng natitirang pills. Ito rin ang magandang pagkakataon para uminom ng gamot sa kirot (painkiller) tulad ng ibuprofen, dahil ang paghilab ay agad na magsisimula.

Dapat na nagsisimula na kayong duguin at maghilab sa loob ng 3 oras ng paggamit ng 4 na misoprostol pills.

Step 2:

Maghintay ng 3 oras.

Step 3:

Maglagay ng 4 pang misoprostol pills (200mcg) sa ilalim ng inyong dila at hayaan ito nang 30 minuto hanggang sa matunaw ang mga ito

Step 4:

Maghintay pa ng 3 oras.

Step 5:

Maglagay ng 4 pang misoprostol pills (200mcg) sa ilalim ng inyong dila at hayaan ito nang 30 minuto hanggang sa matunaw ang mga ito.

Dapat na nagsisimula na kayong duguin at maghilab habang iniinom ang pills. Siguruhin na inumin ang lahat ng 12 pills kahit na nagsimula na kayong duguin bago niyo pa mainom ang lahat ng ito.